کہیں آپ زیتون کے تیل کے دھوکے میں مالش کرنے والا تیل تو نہیں کھا رہے ہیں ؟

کچھ لوگ گھروں میں زیتون کا تیل کھانا پسند کرتے ہیں لیکن بازار میں دستیاب زیتون کا ایک تیل ایسا بھی ہوتا ہے جو کھانے کے لئے نہیں بلکہ مالش وغیرہ کے لئے ہوتا ہے۔
اور اگر آپ مالش والا تیل کھا رہے ہیں تو یاد رکھیں کہ اس سے آپ زیتون کے فوائد حاصل نہیں کر سکتے بلکہ بعض صورتوں میں یہ آپ کی صحت کے لئے نقصان دہ بھی ثابت ہو سکتا ہے ۔

یہی وجہ ہے کہ سپین ، نیوزی لینڈ اور جرمنی سمیت کئی ممالک نے زیتون کے مالش والے تیل یعنی پومس آئل کی فروخت پر پابندی لگا رکھی ہے۔

آئیے اب ہم آپ کو بتاتے ہیں کہ زیتون کا کھانے والا تیل کونسا مالش والا تیل کونسا ہے ؟

زیتون کا پھل ، شکل و صورت اور جسامت میں بیر سے ملتا جلتا ہوتا ہے۔ قدرت نے زیتون کے پھل کی گٹک (گھٹلی) اور گودے دونوں میں تیل رکھا ہوا ہے۔

زیتون کے درخت پر لگا ہوا پھل جو پکنے کے قریب ہے ۔ زیتون کے ثابت پھل کو جب پہلی مرتبہ کولہو میں ڈالا جاتا ہے تو اس سے نکلنے والا تیل ایکسٹرا ورجن آئل
(Extra virgin oil )
کہلاتا ہے ۔
پہلی مرتبہ نکلا ہوا تیل سب سے بہترین اور کھانے کے لئے سفارش کیا جاتا ہے۔
اب زیتون کے بچے ہوئے چُورے کو گرم کر کے پھر سے کولہو میں ڈالا جاتا ہے جس سے پھل میں موجود بچا کھچا تیل بھی نکل آتا ہے۔
پھل کے چُورے سے نکلا ہوا یہ بچا کھچا تیل ورجن آئل (Virgin oil ) کہلاتا ہے ۔
جو کوالٹی میں ایکسٹرا ورجن آئل سے تو ہلکا ہوتا ہے لیکن پھر بھی کھانے کے لئے استعمال کیا جا سکتا ہے۔

اب آخر میں جو کچرا بچ جاتا ہے اس میں سے بھی تیل نکالنے کے لئے اس میں ایک خاص قسم کا کیمیکل ڈالا جاتا ہے۔ یہ کیمیکل پٹرول کی طرح کا ہوتا ہے۔ اس کیمیکل کا کام یہ ہوتا ہے کہ یہ اس کچرے میں موجود ہر طرح کے تیل دار اجزاء کو اپنے اندر حل کرکے ایک محلول سا بنا لیتا ہے۔
اس کے بعد اس محلول کی صفائی وغیرہ کر کے کیمیکل کو الگ کر لیا جاتا ہے اور باقی بچنے والا تیل ، زیتون کا پومس آئل کہلاتا ہے۔
زیتون کے ڈبے پر واضح طور پر یہ لکھا ہوا ہے کہ یہ پومس آئل ہے اور دراصل یہی وہ تیل ہے جسے مالش وغیرہ کے لئے استعمال کیا جاتا ہے۔

پومس آئل کو اگر مالش وغیرہ کی بجائے کھانے کے لئے استعمال کیا جائے تو اس سے آپ وہ فوائد حاصل نہیں کر سکتے جس کے لئے عام طور پر زیتون کا تیل کھایا جاتا ہے۔

اگر آپ مارکیٹ میں جائیں تو زیتون کے تیل کے ہر ڈبے پر واضح طور پر لکھا ہوتا ہے کہ یہ کونسا آئل ہے یعنی کیا یہ

ایکسٹرا ورجن آئل ہے
ورجن آئل ہے
یا پومس آئل ہے
ان تینوں اقسام کے تیل کی قیمتوں میں زمین و آسمان کا فرق ہوتا ہے۔
پینے والے زیتون کے تیل کے ڈبے پر واضح طور پر لکھا ہوا ہوتا ہے کہ یہ ایکسٹرا ورجن آئل ہے۔
لہذا اگر آپ زیتون کا تیل پینے کا شوق رکھتے ہیں تو پھر ضروری ہے کہ آپ ایکسٹرا ورجن یا ورجن آئل میں سے ہی کسی ایک کا انتخاب کریں

ڈاکٹر شوکت علی، ماہر توسیع زراعت، زرعی یونیورسٹی فیصل آباد و حافظ سعد بن مصطفی ، ریسرچ آفیسر ، شعبہ تیلدار اجناس، ایوب زرعی تحقیقاتی ادارہ فیصل آباد
(ڈاکٹر اذکار بیگ)

We will be happy to hear your thoughts

Leave a reply

Free Soft pc
Logo
Shopping cart